TOFAUTI YA UWEKEZAJI WA HATIFUNGANI (BOND) NA MASOKO MENGINE YA MITAJI KAMA HISA(SHARE).

Posted by data tz on Thursday, June 9, 2016 0

Hatifungani ni tofauti kabisa na masoko mengine ya mitaji kwa mfumo wake na hata faida zake.

💥Kwenye hatifungani unapata faida bila ya kujali uchumi unakwendaje. Kwa sababu unaponunua hati fungani unajua kabisa ni riba kiasi gani unapata kwa mwaka. Lakini kwenye hisa hujui ni faida kiasi gani unapata kwenye uwekezaji wako. Faida inategemea na halinya uchumi, uimara wa soko.

💥 Kwenye hisa unapata faida pale hisa zinapofanya vizuri na unapata hasara pale hisa zinapofanya vizuri. Kwenye hatifungani unapewa riba uliyoambiwa bila ya kujali fedha ulizowekeza zimezalisha au la.

💥 Kwenye hisa unaweza kupata faida kubwa sana pale uchumi unapokwenda vizuri. Kwenye hatifungani utapata riba ile ile.

💥 Hatifungani zina kipindi maalumu baada ya hapo zinakomaa na hivyo kurudishiwa fedha zako. Hisa hazina ukomo wa kipindi, kadiri kampuni inavyoendelea kuwepo unaweza kuendelea kumiliki hisa zake.

💥 Kwenye hisa unaweza kushiriki kwenye vikao mbalimbali vya kampuni, kwenye hatifungani hupati nafasi hiyo. Wewe unawekeza fedha na kuchukua riba mpaka pale inapokomaa.

#Hii ni sehemu ya mafunzo ya DARASA LA LEO IJUMAA kwenye Data Tz kuhusu uwekezaji kwenye HATIFUNGANI (BONDS).